Këtë vit shënohen plot 175 vjet nga themelimi i Agjencisë së famshme Pinkerton – një emër që sot lidhet ngushtë me filmat e Perëndimit të egër amerikan. Por pas figurës së zakonshme me kostum të zi dhe qëndrimin arrogant nëpër filmat “western”, fshihet një histori reale edhe më mahnitëse.
Gjithçka nisi në vitin 1850 kur Allan Pinkerton, një emigrant skocez në Çikagos, themeloi një agjenci private hetimore, pas një rasti ku ndihmoi në kapjen e disa banditëve. Reputacioni i tij u përhap shpejt dhe shumë qytetarë e autoritete nisën t’i kërkonin ndihmë për kapjen e kriminelëve. Pinkerton ishte gjithmonë një hap përpara.
Në vend që të punësonte njerëz të dhunshëm siç ishte zakon atëherë, ai krijoi një ekip të besueshëm, të trajnuar në teknika shkencore të hetimit dhe infiltrimit. Ai krijoi edhe një bazë të dhënash për kriminelët që më vonë u mor nga FBI.
Në vitin 1871, Departamenti i Drejtësisë i SHBA-së kontratoi Agjencinë Pinkerton si strukturë hetimore. Megjithatë, krijimi i skuadrave kundër grevave punëtore e bëri agjencinë të kontestueshme dhe kontrata u ndërpre më 1893. Kjo çoi në krijimin e një zyre shtetërore që u shndërrua në FBI në vitin 1935.
Në Luftën Civile, Pinkerton u bë shef i inteligjencës për Unionin dhe oficerja e tij kryesore ishte Kate Warne, gruaja e parë spiune në SHBA. Ajo parandaloi një atentat ndaj Abraham Lincoln gjatë udhëtimit të tij për në Washington.
Guximi i saj frymëzoi moton që shoqëroi FBI-në – “Ne kurrë nuk flemë”.
