Studentë dhe nxënës të liceut artistik kanë hapur një ekspozitë bamirësie në galerinë e arteve “Nikolet Vasia” të qytetit të Durrësit, në ndihmë të një ish nxënësi të shkollës artistike “Jan Kukuzeli”, i cili vuan nga një sëmundje që kërkon transplantin e veshkave.
Marsel Domi, 20-vjec, nga Shijaku, ndodhet në vështirësi financiare për të përballuar këtë sëmundje, ndaj shokët e tij, sot studentë të Akademisë së Arteve, janë mbledhur për ta mbështetur përmes artit.
Nën moton “Së bashku mund të bëjmë ndryshimin për Marselin”, studentët nxorrën në shitje punimet e tyre.
“Të gjitha do të shkojnë për Marselin, si shitjet dhe të ardhurat nga kutia e kontributeve që cilido ka dëshirë mund të kontribuojë”, tha Margit Cala, student organizator i ekspozitës.
Ekspozita me 65 punime do të qëndrojë e hapur deri në fund të këtij muaji.
Marrë nga TCH.
