Dëmtimi i futbollistit spanjoll, Jordi Alba që në fillim u duk që do të sillte minuse në formacionin bazë të kombëtares. Ai që do të zëvendesoj sot talentin Alba në ndeshjes kundër Shqipërisë do të jetë Naço Fernandez, mbrojtësi i Real Madrid. Fakti që Alba është titullar në pothuajsë të gjitha ndeshjet e kombëtares spanjolle e ka bërë Fernandez të zbresi rrallë herë në fushë. Për shumë kohë ai ka qëne zgjedhja e dytë e ish trajnerit Del Bosken.
Gjërat kanë ndryshuar me Lopeteguin, i cili e njeh mirë që nga koha kur e ka drejtuar te Kastija, ekipi i dytë i Realit. Trajneri ka besim të plotë te futbollisti në fjalë, edhe pse nuk luan rregullisht me madrilenët e Zidan. Ai nuk ngurroi ta aktivizonte në momentin që Alba u dëmtua ndaj Italisë dhe një gjë të tillë do ta bëjë edhe sot ndaj Shqipërisë, në atë që do të jetë ndeshja e tij e 6 me kombëtaren.
Por pakkush e di se Naço detyrohet të stërvitet çdo ditë, edhe kur nuk ka pushim, apo duhet t’i nënshtrohet një regjimi mjaft të veçantë ushqimor. Arsyeja është e shumë e thjeshtë, ai vuan nga diabeti. Megjithatë, kjo nuk e ka penguar që të shfaqet në nivelet më të larta gjatë karrierës së tij në të cilën regjistron mes të tjerash edhe dy Liga Kampionesh të fituara.
