4 shqiptarë janë arrestuar në shtetin italian pas një operacioni antidrogë. Emrat e tyre nuk bëhen ende të ditur, por mediat në vendin fqinjë shkruajnë se arrestimi i tyre u bë i mundur në kuadër të aksionit “Maxi” që u zhvillua në Romë. Nga ky aksion u konfiskuan 41 kg marijuanë dhe 700 gram kokainë.
Mësohet se shqiptarët e arrestuar përdornin identitet të rreme përmes falsifikimit të dokumenteve, si një strategji për t’i shpëtuar gjurmimit të policisë, shkruan romatoday.it.
Ndaj shqiptarëve rëndojnë disa akuza pasi për post trafikimit dhe shitjes së narkotikëve, ata akuzohen për falsifikim dokumentesh dhe fshehje të identitetit.
Autoritetet vijojnë kontrollet prej ditësh në të gjitha rrugët e qyteteve të Italisë me qëllim identifikimin dhe goditjen e grupeve të rrezikshme kriminale.
