Një ngjarje tragjike është shënuar të enjten në darkë në zonën e ish-Bllokut në kryeqytet, ku një person ka humbur jetën dhe dy të tjerë mbetën të plagosur si pasojë e një shkëmbimi me armë.
Ngjarja u raportua në media rreth orës 22:00, por ndonëse kanë kaluar dy orë nga ky moment, policia është mjaftuar vetëm me një informacion paraprak, që u dërgua vetëm pak minuta pas ngjarjes.
Informacion Paraprak
Më datë 04.10.2018, rreth orës 21:50, në zonën e “Bllokut” në rrethana ende të paqarta janë plagosur me armë zjarri dy shtetas dhe një tjetër ka mbetur i vrarë.
Po punohet për zbardhjen e rrethanave të ngjarjes, identifikimin dhe kapjen e autorit/ve.
Ndërkohë, qytetarët presin të mësojnë nga mediat identitetin e viktimës dhe emrat e dy të plagosurve. Duke qenë se informacionet janë kontradiktore, situata ka krijuar kaos në raportimet mediatike.
