Të tjera detaje janë zbardhur lidhur me vrasjen e Aleksandër Sadikaj, të cilit iu vendos një sasi tritoli në makinë që shpërtheu teksa ishte në lëvizje.
Mësohet se sasia e tritolit të vendosur në makinën e tij ka qenë rreth 500 gram. Mësohet se Sadikaj ka dalë nga shtëpia e tij në Sauk të vjetër dhe pak minuta më pas ndodhi shpërthimi, duke e lënë fillimisht të gjymtuar, ndërsa në spital humbi jetën si pasojë e plagëve të rënda.
Në vendin e ngjarjes është gjetur edhe një pistoletë e cila nuk dihet kujt i përket. Prokuroria po heton në disa pista, atë të larjes së hesapeve, hakmarrje për shkak se ishte përfshirë në ngjarje kriminale në Greqi.
Sipas “News 24”, Aleksander Sadikaj ka qenë në të njëjtin burg me Alket Rizain në shtetin fqinj.
