Policia e Shtetit është shprehur se dy ministrat Elisa Spiropali dhe Niko Peleshi, si dhe ish-ministrja e Mbrojtjes, Mimi Kodheli nuk janë të përfshirë në veprimtari kriminale apo në hetime për ngjarje kriminale.
Policia ka bërë me dije se në bashkëpunim të ngushtë me partnerët, po heton origjinën e rrjedhjes së të dhënave.
“Kategorikisht nuk janë të përfshirë në veprimtari kriminale apo në hetime për ngjarje kriminale, as dy ministrat dhe as ish-ministrja, po ashtu edhe shumë emra të tjerë të publikuar nga hakerat, në këto lista. Policia e Shtetit, në bashkëpunim të ngushtë me partnerët, po heton origjinën e rrjedhjes së këtyre të dhënave”, tha zyra për informimin e mediave në policinë e shtetit për news 24.
Ditën e sotme në të dhënat e publikuara nga hakerat iranianë, të nxjerra nga sistemi i Policisë së Shtetit ishin edhe emrat e 2 ministrave dhe të ish-ministres Kodheli./Opinion.al
