60 kilogramë marihuanë është bllokuar sot nga policia kufitare, ndërsa është ndaluar një grup shqiptarësh që tentonin ta kalonin lëndën narkotike në Maqedoni. Lajmi bëhet i ditur nga Alsat në Maqedoni, që njofton se lënda narkotike është tentuar të futet në mënyrë të paligjshme në kufirin e gjelbër, nga një grup shtetasish shqiptarë që e kalonin kufirin në mënyrë të fshehtë dhe të paligjshme.
Alsat mëson se një pjesë e grupit është arrestuar ndërkohe që vazhdon ndjekja per disa prej tyre. Operacioni është në vijim e siper nga Qendra e Policisë Kufitare në Perëndim.
Të dhënat flasin për një trafik të mirefilltë droge, ndërkohë që ende nuk zbulohen emrat e trafikatëve. I panjohur per momentin është edhe destinacioni i lëndës narkotike që vinte nga Shqiperia.
