Dy punonjës të një kompanie interneti kanë rënë në kontakt me rrymën elektrike gjatë punës dhe për pasojë njëri prej tyre ka humbur jetën. Ngjarja njoftohet të ketë ndodhur në zonën e Kamzës, kur sikurse mësohet paraprakisht punëtorët kanë hipur në shtyllë për të lidhur disa kabuj.
Por kjo situatë ka krijuar një aksident të dyfishtë, pasi mjeti që po i transportonte drej spitalit të dy personat, ka aksidentuar një të moshuar që lëvizte me biçikletë në rrethrrotullimin e Kamzës. Ende nuk ka informacione për gjendjen e të moshuarit dhe punëtorit të tjetër, të cilët janë nisur në spital.
