24-vjeçarja që mbeti e plagosur rëndë në aksidentin e 8 prillit në aksin Përrenjas- Qafë Thanë, nuk ka mundur t’u mbijetojë plagëve të marra.
Ajo ka ndërruar jetë këtë të shtunë në spitalin e Traumës në Tiranë, 5 ditë pas aksidentit.
Nga aksidenti i rëndë mbetën të lënduar dhe tre persona të tjerë që gjendeshin në një mjet tip Passat, të parkuar në një servis makinash.
Policia, përmes një njoftimi zyrtar sot bëri me dije se ka arrestuar shtetasin Jetmir Daci 44 vjeç, banues në Peshkopi, për veprën penale “Shkelja e rregullave të qarkullimit rrugor”.
