Një lokal nate në qytetin e Brighton të Britanisë, iu ofron klientëve një përvojë unike, të shijosh pijet pa pasur mundësi të kontrollosh telefonin.
Lokali “The Gin Tub” ka siguruar vlerësime pozitive që në javën e parë të funksionimit, raporton Associated Press, pasi ka instaluar një bllokues të sinjalit të telefonave.
Ky raportohet të jetë rasti i parë që një bar britanik përdor teknologjinë për të ndaluar sinjalin e celularëve.
Bllokuesi i vendosur në tavanin e lokalit raportohet se nuk e shkel një ligj të veçant të miratuar në Britani në vitin 2006 që e ndalon bllokimin e sinjalit të telefonave pa kabllo.
Pronari i lokalit, Steve Tyler thotë se telefonat celularë po shkatërrojnë lokalet. “Kur del natën me shoqëri nuk të duhen rrjetet sociale”, thotë ai.
