Në vijim të punës për kapjen e personave të shpallur në kërkim, policia e Tiranës ka vënë në pranga katër persona për tri ngjarje të ndryshme.
Burime nga policia bëjnë të ditur se janë arrestuar F. M., 35 vjeç dhe S. M., 19 vjeç, banues në Tiranë pasi ishin shpallur në kërkim nën akuzën e pengmarrjes në muajin mars të këtij viti.
Gjithashtu u arrestua nga policia shtetasi A. Ll. 24 vjeç, banues ne Tiranë. Ky shtetas është ndaluar pasi ka dhunuar me sende të forta M. T., 64 vjeç. Ai nuk është i panjohur për drejtësinë pasi ka precedentë penale në fushën e narkotikëve.
I arrestuari i katërt është A.K 36 vjeç banues në Laç. Ai ishte shpallur në kërkim pasi ka përndjekur në mënyrë të vazhdueshme ish të dashurën e tij dhe ka ushtruar dhunë fizike ndaj saj për mos u larguar, por ajo e ka bërë kallëzim në polici. /Opinion.al
