Policia ka arrestuar një 39-vjeçar në Vlorë, pasi ishte shpallur në kërkim për veprën penale “Kultivimi i bimëve narkotike, kryer në bashkëpunim.
Sipas uniformave blu bëhet me dije se 39-vjeçari ishte dënuar me 4 vite burg për këto akuza.
“Nga shërbimet e Stacionit të Policisë Selenicë dhe ato të Komisariatit të Policisë Vlorë, u bë e mundur kapja dhe ndalimi i një shtetasi në kërkim, shtetasit A. N., 39 vjeç, banues në fshatin Mazhar, Njësia Administrative Sevaster, i cili ishte shpallur në kërkim pasi Gjykata e Shkallës së Parë të Juridiksionit të Përgjithshëm Vlorë e ka dënuar me 4 vite burgim, për veprën penale “Kultivimi i bimëve narkotike, kryer në bashkëpunim”, thuhet në njoftimin e policisë.
Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
