Një 35-vjeçar është arrestuar nga Policia greke në Kakavijë pasi ishte shpallur në kërkim nga autoritetet e drejtësisë italiane.
Sipas informacioneve, shqiptari është arrestuar në Pikën Kufitare të Kakavijës teksa po hynte në Greqi.
I arrestuari T.O. rezulton i dënuar me 5 vite heqje lirie në Itali dhe me një gjobë financiare prej 50 mijë euro.
Po ashtu, ai akuzohet për trafikim të sasive të mëdha të drogës drejt Italisë. Ndërkohë, Policia greke bëri shoqërimin e tij drejt Janinës në pritje të ekstradimit të tij drejt Italisë./ Opinion.al
