Një 23-vjeçar me origjinë shqiptare është arrestuar në Mortil të Spanjës, pasi ishte shpallur në kërkim ndërkombëtar nga drejtësia austriake.
Sipas mediave të huaja, Gjykata e Eisenstadt e kishte dënuar shqiptarin për grabitje banesash me forcë.
I riu është kapur nga policia në Portin e Motrilit, ndërkohë që po udhëtonte i shoqëruar nga një tjetër person, në një automjet me qira. Gjatë kontrollit në automjet policia gjeti edhe një armë tip pistoletë.
23-vjeçari përveç se ishte në kërkim nga policia austriake, po hetohej edhe nga autoritetet gjermane./Opinion.al
