Kryeministri Edi Rama dhe kryedemokrati Lulzim Basha janë përplasur në Parlament gjatë diskutimeve për buxhetin e vitit 2022.
Rama hodhi akuza ndaj PD duke thënë se tashmë kjo parti është në kaos dhe se nuk është as e djathtë e as e majtë, duke e krahasuar atë me censurat që Partia Komuniste bënte nëpërmjet komitetit të partisë.
Duke bërë ironi, Rama tha se mazhoranca “përqafon PD sa herë kanë mundësi, ndërsa bëri batuta dhe për deklaratën e ministres së Bujqësisë për akademinë e barinjve.
“Me ka mbetur mendja te Akademia e barinjve, peshkatarëve, fermerëve. Ju keni vetëm një kuptim të fjalës Akademi. Janë hapësira që ju ofrohen të gjitha kategorive të njerëzve që punojnë në sektorë të ndryshëm. Mos qeshni me veten. Vet flet, vet qesh. Unë jam thjesht një piktor por për shkak të detyrës unë mësoj çdo ditë dhe nuk qesh, po maksimumi flas që të qeshin të tjerët dhe zhgarravis, dhe çfare problemi keni me zhgarravinçn time? Mos u bëni si censura e komitetit te partisë. Ju i thoni vetes të djatht për inerci, po ju me të djathtën nuk keni lidhje. Ne ju përqafojmë ju sa herë keni mundësi”,-tha Rama./Opinion.al
