Presidenti francez, Emmanuel Macron, paralajmëroi se Franca është “vetëm në fillim” të shpërthimit të koronavirusit.
“Ne jemi vetëm në fillim të kësaj epidemie”, tha ai pas një vizite në një qendër spitalore në Paris, ndërsa u kërkoi francezëve të mos frikësohen, pasi autoritetet ishin të organizuara, përballë krizës.
Franca është vendi i dytë më i prekur nga virusi në Evropë, pas Italisë. Covid-19, i ka marrë jetën deri më tani, 25 njerëzve dhe ka infektuar më shumë se 1.400 të tjerë. Mes të prekurve janë dhe Ministri i Kulturës në Francë, Franck Riester, dhe pesë deputetë.
Koronavirusi, që u shfaq për herë të parë në Kinë, në dhjetor të vitit të kaluar, është përhapur në më shumë 100 vende, duke infektuar më shumë se 110,000 njerëz dhe duke iu marrë jetën mbi 4,000 personave./Opinion.al
