TIRANË- Stadiumi Qemal Stafa do të shembet në Janar dhe prej andej nisin punimet për ndërtimin e stadiumit të ri i cili do të ndryshojë edhe emër. Siç edhe ka thënë Kryeministri Rama stadiumi i ri do të quhet Arena Kombëtare. Anëtari i Komitetit Ekzekutiv në Federatën Shqiptare të Futbollit, Arben Dervishi në një intervistë për Shqiptarja.com tha se projekti është ai që ka hartuar FSHF.
Stadiumi do të ndërtohet me koncension. “Ende nuk e kemi gjetur koncensionarin, por së shpejti besoj se edhe kjo procedurë mbyllet”, është shprehur Dervishi.
