Kryeministri Edi Rama, në rubrikën “Sy më Sy” i është përgjigjur komenteve të qytetarëve në rrjete sociale, ku ka folur lidhur me turizmin në Shqipëri.
Komenti: Ne ja kalojmë Greqisë për turizëm?? Kush i nxjerr këto marrëzira!!Vetëm ne portin e Pireut po te shkosh dhe te shikosh se sa turiste lëvizin neper ishujt, në as qe do ti kemi për gjithë jetën tonë..
Për këtë koment, Rama ka thënë se duhet të gëzohen për Shqipërinë se po shkëlqen.
Sipas tij, Partia Socialiste do të jetë dhe disa vite në pushtet, të paktën derisa Shqipëria të anëtarësohet në Bashkimin Evropian.
“I dashur Paulin, këtu flitet për rritje krahasimore me vitet e mëparshme jo për numra absolutë. Për numra absolut ne as krahasohemi dhe sa kemi pse krahasohemi, sepse është absurditet. Këtu flitet për cilin vend është zhvilluar më shumë në vitin që lamë pas, është rritur më shumë në % në raport me vetveten.
Pavarësisht se ti mund të mos e duash këtë qeverinë time të poshtër, kjo nuk duhet të të pengoj mor vëlla të gëzohesh për Shqipërinë. Pse mos të gëzohesh. Qeveritë venë e vijnë dhe pse kjo e PS do jetë edhe ca vite, deri sa të fusim Shqipërinë në BE të paktën. Shqipëria mbetet përjetë, kur Shqipëria shkëlqen nuk ke pse ia kursen vetes një buzëqeshje”, u shpreh Rama.
Komenti: Please! Me shfrytëzimin e gjithë vijës bregdetarr të Adriatikut dhe Jonit dhe kthimi në destinacion tashmë super të shtrenjta, Kroacia dhe Greqia, vetëm Shqipëria kishte mbetur pa u shfrytëzuar me çmime të lira. A ta kanë thënë që jemi në vitin 2025?
Teksa ka folur për zgjedhjet e 11 Majit, Rama shprehet se suksesi i Shqipërisë turistike sot është vizioni dhe puna e qeverisë dhe askujt tjetër.
“Nuk e kuptova çfarë kishin parasysh për pyetjet për vitin ku jemi, por që jemi në 2025 e kam të qartë, sepse ky është viti i mandati të ri qeverisës që do e marrim më 11 maj. Nuk kam sesi e ngatërroj. Por dhe ju gëzoheni, mos kini frikë të gëzoheni. Këtë muhabetin që vetëm ne kishim mbetur pa u zhvilluar dhe kjo do ndodhte, mos e bëni është, se nuk është serioze, por shumë qesharake.
Fakti që po ndodh, lidhet me punën kolosale që është bërë për të pastruar imazhin, llumin e plehrat, për të mbështet investimet në turizëm, bujqësi e me radhë… Suksesi i Shqipërisë turistike sot është vizioni, puna e kësaj qeverisë dhe askujt tjetër dhe aleanca jonë me sipërmarrjet shqiptare. Të tjerat janë llafe që i merr era. Era e 11 maj, yyy sa llafe do të marri me vete, ja erdhi, do ta shohim sa llafe do marri me vete ai 11 maj, i bukur do të jetë”, tha Rama.
