Kryetari i Bashkisë së Himarës Jorgo Goro deklaroi se “është vendosur rishikimi i gjithë dokumentacionit për ata banorë që pretendojnë tituj pronësie në objektet që preken nga projekti i rikualifikimit urban”. Deklarata u bë gjatë një takimi me përfaqësues të Ministrisë së Infrastrukturës dhe Energjisë, të Hipotekës së Vlorës dhe ALUIZNI-t.
Goro bëri apel qytetareve se dita e enjte e javës së ardhshme është afati i dorëzimit të dokumenteve. Zyrtarët e lartë të shtetit garantuan banorët e Himarës se qeveria shqiptare i ka marrë të gjitha masat, ka nxjerrë dhe fondin e dëmshpërblimit duke llogaritur sikur të gjithë pronarët do të hipotekojnë pronat e tyre.
