Shkrimtarja Mira Meksi është duke u përballur me një sëmundje të rëndë dhe për kurime të mëtejshme i duhet trajtim jashtë vendit. Lajmi konfirmohet nga miq dhe të afërm të saj, që kanë bërë apel për të ndihmuar shkrimtaren në luftën me sëmundjen.
Sikurse bëhet e ditur në media, për shkak të situatës së rënduar shëndetësore, Meksi duhet të vaksinohet kundër Covid përpara se të shkojë për trajtim spitalor jashtë, duke qenë se gjendja e saj është tepër delikate dhe një prekje nga Covid do e rrezikonte më tepër.
Përmes një publikimi në Facebook, shkrimtarja Flutura Açka, ndërsa bën këtë apel shprehet: “Hiq ndonjë personalitet pa pikë personaliteti, e që u gëzua e firmosi kur u shemb Teatri, dhe jepja Mira Meksit! Do të gëzohej edhe ajri po ta bëje këtë”.
Shkrimtarja Mira Meksi është autorja edhe përkthyesja e disa veprave letrare në shqip. Ka shkruar “E kuqja e demave”, “Mallkimi i priftëreshave”, “Frosina e Janinës” dhe ka përkthyer autorë të njohur, si Dumas, Baudelaire, Lamartine, Rimbaud, Marquez etj. Është vlerësuar me disa çmime./Opinion.al
