Policia e Tiranës ka informuar se ka arrestuar shoferin 30-vjeçar, i cili ishte shkaktar i aksidentit të ndodhur në orët e para të mëngjesit të sotëm, te “21 Dhjetori”, në Tiranë.
Sipas uniformave blu, shtetasi Emirjan Dako, është arrestuar në spital, për veprat penale; “Shkelja e rregullave të qarkullimit rrugore’’, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
“Ky shtetas, më datë 11.11.2021, rreth orës 03:20, në kryqëzimin “21 Dhjetori”, duke drejtuar mjetin “Citroen” është përfshirë në një aksident me mjetin “Honda” me drejtues shtetasin L. C., 58 vjeç. Si pasojë e aksidentit ka ndërruar jetë në vendngjarje pasagjeri në mjetin “Honda”, shtetasi A. B., 59 vjeç, ndërsa drejtuesi, shtetasi L. C. ka ndërruar jetë në spital. Drejtuesi i mjetit “Citroen”, shtetasi E. D., ndodhet në spital, në gjendje të rëndë”, njofton policia.
Kujtojmë se gjatë kontrollit të mjetit që drejtonte 30-vjeçari, i cili u bë shkak i aksidentit, policia gjeti dhe sekuestruan një armë zjarri pushkë, ndërsa gjatë kontrollit fizik këtij shtetasi iu një armë e ftohtë (thikë).
Aksidenti i rëndë është regjistruar teksa gdhihej e enjtja dhe humbën jetën dy persona.
Një nga viktimat është Luan Cenollari, punonjës i Policisë së Burgjeve, i cili natën punonte edhe si taksist, dhe viktima tjetër ishte klienti i tij.
Makina e tij, u përplas nga një “Citroen” që drejtohej nga shtetasi Emirjan Doko, që sipas policisë ishte i dehur dhe hyri me semafor të kuq./Opinion.al
