Ka mbërritur në spitalin e Traumës në Tiranë 21-vjeçari Aldi Rama, i cili ditën e sotme vrau me armë zjarri efektivin e policisë Saimir Hoxha dhe pasi u rrethua nga RENE dhe FNSH tentoi të vetëvritej.
Efektivi i policisë Saimir Hoxha ishte në krye të detyrës ku kishte informacion për një parcelë me kanabis dhe do të ushtronte kontroll.
Aldi Rama ishte sëbashku me dy të tjerë në makinën që ishte ndaluar nga patrulla e policisë. Në një moment 21-vjeçari ka hapur zjarr duke e qëlluar me një plumb në zemër efektivin e policisë Saimir Hoxha, ku gjeti vdekjen në vend.
Pas këtij episodi Aldi Rama tentoi të largohej dhe për disa orë iu fsheh forcave RENEA e FNSH. Pasi u rrethua nga policia, Aldi Rama qëlloi veten me armë ndërsa më pas u transportuar nga një ambulancë për në spital.
