Mëngjesin e sotëm është zhvilluar mbledhjen e jashtëzakonshme për pasojat që la pas tërmetit 26 nëntorit, prej të cilit dhjetëra persona humbën jetën dhe qindra të tjerë mbetën të plagosur.
Mbledhja e stome drejtohej nga zëvendëskryeministri, Erion Braçe, pasi kryeministri Edi Rama ndodhet në Londër ku po merr pjesë në Samitin e NATO-s.
Braçe ka thënë se në Tiranë ndërtuesit nuk i janë përgjigjur thirrjes së kryeministrit për të ndërhyrë në ndërtesat që kanë pësuar dëme nga tërmeti shkatërrimtar. Zëvendëskryeministri tha në mbledhje se ka marrë një sëri shqetësimesh nga banorët e kryeqytetit të cilët shprehen se dëmtimin e kolonave në garazhet e pallateve.
Ai theksoi se dhe për këto raste duhet të nisin verifikimet, duke u dhënë në këtë mënyrë garanci qytetarëve.
“Çdo të bëhet me shtesat me leje apo pa leje mbi pallatet para viteve 1990? Për mendimin tim aq sa kam parë, ata që janë bërë me leje sipas ekspertëve rrezikojnë strukturën e pallatit që sot është në rregull, por rrezikon më tutje, ata zyrtarë që kanë këto gjëra duhet të mbajnë përgjegjësi. Atje ku janë pa leje po prapë të mbajnë ata që i kanë bërë. Duhet marrë një vendim teknik se çfarë do të bëhet me shtesat mbi lejet e ndërtimit që rrezikojnë pallatet. Gjatë fazës së kontrollit duhet të kemi parasysh edhe këtë fakt. Mua më duket sporadike paraqitja e aq ndërtuesve, ndërsa në Durrës janë paraqitur aq sa thatë ju, në Tiranë nuk është paraqitur asnjë. Askush nga ndërtuesit nuk kanë marrë përgjegjësi. Procesi në Tiranë duhet të vihet nën kontroll dhe të mos lejohen qytetarët të kryejnë punime që nuk janë të certifikuara. Këtu në Tiranë unë kam marrë një seri shqetësimesh, shqetësime me atë që nuk duken, kryesisht me garazhe, ku janë sharruar kolona. Janë raste sporadike, por ne duhet t’u përgjigjemi së bashku me ata që janë përgjegjës, pra me ndërtuesit. Nuk kanë përmasën e Durrësit as në sasi, por as në përmasën e dëmit. Duhet t’u japim garanci njerëzve”-tha Braçe./ Opinion.al
