Deputeti Gazment Bardhi gjatë një interviste televizive ka deklaruar se pavarësisht vendimit për kandidatët në zgjedhjet e 14 Majit ai nuk do të jetë në fushatë me Berishën.
“Ndarja ime me të është finale”, tha Bardhi në News 24 me gazetaren Nisida Tufa.
Pjesë nga biseda në studio:
Bardhi: Në lidhje me skenarët si do dilet në zgjedhje, janë disa në diskutim. Qëllimi ynë, fitorja e PD në zgjedhje. Ky vijon të jetë objektivi ynë.
Ka një pjesë brenda PD që ka qëllime të tjera me ne. Kryesia, do marrë një vendim të përgjegjshëm në raport me momentin ku ndodhet PD dhe për të ardhmen e saj, nuk duhet të mendojmë vetëm për momentin, por atë që do vijë nesër për PD dhe gjithë Shqipërinë.
Nisida Tufa: Nëse do fitonte vetëm varianti për të dalë me këshilltarë, do bënit fushatë me zotin Berisha?
Bardhi: Ndarja ime me të është finale. Jam pjesë e një grupimi që përdor arsyen në vend të mllefit, përdorim përgjegjshmërinë në vend të inatit që bën mish për top demokratët./Opinion.al
