Ambasadorja amerikane në Shqipëri Yuri Kim ka folur ditën e sotme mbi procesin e dekriminalizimit para zgjedhjeve të 25 prillit, nga Durrësi.
Kim ka paralajmëruar se në fund të ditës së sotme do të flas për kandidatët që nuk duhet të marrin pjesë në zgjedhje pasi sipas saj kanë probleme me ligjin.
Pyetje: Ju përmendët deputetin Tom Doshi. A keni ndonjë emër që nuk duhet të kandidojë?
Yuri Kim: Jam ende duke zhvilluar bisedime dhe nga fundi i ditës kam për tu përgjigjur për këtë.
Sipas ambasadores votuesit shqiptarë meritojnë më shumë , në këto zgjedhje.
Pyetje: Si mendoni partitë politik do ti binden deklaratave për dekriminalizimit?
Yuri Kim: Vazhdoj ta theksoj këtë pikë, votuesit shqiptar meritojnë më shumë. Mbetet për tu parë.
Ndërkaq në një reagim në llogarinë zyrtare në “Twitter”, Kim ka vlerësuar punën e kryer nga SPAK ditën e sotme, ku u arrestua gjyqtarja e Krujës Enkeleda Hoxha.
“Është mirë që e shoh se si SPAK po jep rezultate. Reforma në drejtësi po ecën para, hap pas hapi”- shkruan Yuri Kim ./Opinion.al
