Numri i fëmijëve me mbipeshë po rritet me shpejtësi në mbarë botën. Problemi nuk është edhe aq i madh në Zvicër. 19 për qind e fëmijëve zviceranë kanë mbipeshë, siç tregojnë shifrat nga Zyra Federale e Statistikave (Bundesamt für Statistik).
Në 12.000 fëmijët e anketuar në Bazel, Bernë dhe Zyrih, indeksi i masës trupore ra me 0.3% nga viti në vit, në vitin shkollor 2015/16.
Për të rriturit, Zvicra llogaritet në një mesatare prej 10.3 për qind të njerëzve të trashë në krahasim me 29 vende të anketuara nga një studim i OECD-së. Me mbipeshë janë 41 për qind e popullsisë, siç zbuloi Zyra Federale e Statistikave. Kjo është dy herë më shumë te burrat se te gratë.
Globalisht, tetë për qind e djemve dhe gjashtë për qind e vajzave kanë një mbipeshë të rëndë, dhjetë herë më shumë se dyzet vjet më parë. Ndërsa rreth 11 milionë nga 5 deri në 19 vjeç ishin të trashë në mbarë botën në vitin 1975, vitin e kaluar ata ishin 124 milionë, ose 1.25 për qind të kësaj grupmoshe.
Organizata Botërore e Shëndetësisë (OBSH) dhe Raporti i Kolegjit në Londër me rastin e Ditës botërore e luftës kundër obezitetit më 11 tetor thanë se 123 milionë fëmijë të tjerë janë me mbipeshë. Nëse po, përqindja e fëmijëve me mbipeshë deri në vitin 2022 tejkalon përqindjen e fëmijëve nën peshë.
Në vendet me të ardhura të larta shifrat nuk u rritën, por mbetën në një nivel të lartë. Rritja në vendet e varfra dhe ata me të ardhura mesatare, duke përfshirë vendet e populluara të Kinës dhe Indisë, është alarmante.
Gjendja në SHBA është dramatike, me 23.3 për qind të djemve dhe 19.5 për qind të vajzave që janë me mbipeshë. Nga ana tjetër, pesha e ulët si pasojë e kequshqyerjes është një problem i madh, veçanërisht në vendet e Azisë Juglindore, si dhe Indi apo disa vende afrikane. Kjo shifër është pakësuar pak.
Rekomandimet e OBSH-së për t’i dhënë fund mbipeshës së fëmijëve: Autoritetet në mbarë botën kanë nevojë për të edukuar familjet për ushqim të shëndetshëm, restorante shkollore me ushqim të shëndetshëm dhe për të krijuar më shumë objekte sportive për fëmijët.
