Një fundjavë tragjike në bregdetin shqiptar.
Tre persona kanë humbur jetën të shtunën për shkak të mbytjes në tre plazhe të ndryshme të vendit.
Vetëm pak minuta më parë policia bëri me dije se një turiste polake është mbytur sot në Sarandë. Sipas policisë turistja 66-vjeçare Noworycka Peter Iwona u mbyt afër Çukës. Nuk dihen ende rrethanat si është mbytur turistja e huaj.
Një tjetër person është gjetur i mbytur këtë të shtunë në Porto Romano të Durrësit. Ngjarja tragjike ka ndodhur rreth orës 11:45, në lagjen Nr. 15. Nga informacionet mësohet se 62-vjeçari me inicialet M. M. banues në Durrës ka ndërruar jetë duke u larë në det.
Gjithashtu mëngjesin e sotëm një 72-vjeçar u gjet i mbytur në plazhin e Currilave dhe nga dyshimet e para menjëherë pas ngjarjes është ajo e një vdekjeje shkaktuar si pasojë e mbytjes në det./Opinion.al/
