Në Berat dhe Elbasan temperatura deri në 43°C, parashikimi i motit për ditën e sotme

Riaktivizimi i valëve të të nxehtit Afrikan do të kushtëzoje në vendin tonë sërisht mot të kthjellët dhe shumë të nxehtë.

Problematike do të paraqitet situata nga temperaturat ekstremisht të larta, të cilat priten të jenë në zonën midis Elbasanit deri poshtë në Berat ku termometri do të ngjitet sërish në 43 gradë C.

Sipas MeteoAlb, orët e vona të mbrëmjes do të sjellin vranësira të lehta e kalimtare vetëm në zonat Verilindore dhe Juglindore.

Temperaturat e ajrit do të rriten sërisht në mëngjes dhe në mesditë duke luhatur vlerat ditore nga 20°C deri në 43°C.

Era do te fryjë mesatare me shpejtesi deri në 45 km/h nga drejtimi Jugore -Jugperëndimore, kjo do të bëjë që në brigjet detare të krijohet dallgëzim 2-3 ballë.