Gjykata e Apelit në Fier vendosi që dy fëmijët e mitur të Gazmend Mustës, autorit që vrau gruan dhe kunatën në Ballsh do të rriten nga daja i viktimave. Sipas vendimit, Gjyshmir Çaushaj do të kujdeset për Jonida dhe Florian Mustën, fëmijët e çiftit Musta.
Gjykata rrëzoi kërkesën e prindërve të autorit të krimit, për kujdestarinë e nipërve të tyre.
Kujtojmë se më 2 janar, Gazmend Musta vrau bashkëshorten e tij dhe motrën e saj, gjatë një konflikt mes çiftit pas një dreke familjare. Shkak i konfliktit u bë fakti që Gentjana Çaushaj i kërkoi bashkëshortit të shkojë tek prindërit dhe ai nuk e ka lejuar. Motra e Gentianës, Merisa ka hyrë për të ndarë bashkëshortët, por është qëlluar me thikë nga 34-vjeçari, i cili me pas ka qëlluar edhe bashkëshorten, duke i lënë të dyja pa jetë./Opinion.al
