Një 19-vjeçar është vënë në pranga pasi po udhëtonte me armë zjarri pa leje.
I riu, sëbashku me një shokun e tij, po udhëtonin në linjën e transportit publik Tiranë-Vorë. Një nga qytetarët në autobus ka vënë re se ai ka patur në brez një armë zjarri dhe ka njoftuar sallën operative të policisë për këtë fakt.
Policia ka ndërhyrë dhe ka bërë arrestimin e dy të rinjve në vendin e quajtur “Mbikalimi i Vorës”. Gjatë kontrollit, shtetasit K. M., 19 vjeç (lindur në Librazhd dhe banues në Tiranë), i është gjetur një armë zjarri pistoletë, me krehër me fishekë. Në pranga u vu edhe shoku i tij 19-vjeç banues në Bërzhitë për veprën penale “Moskallzim krimi”. /Opinion.al
