-Kulturë

Në 85-vjetorin e lindjes, ASH ripropozon Kadarenë për çmimin “Nobel”


Bëhu pjesë e Grupit Zyrtar të Opinion.al
>> KËTU <<
               Publikuar në : 17:46 - 28/01/21 |
Semiljana Azizi

Shkrimtari Ismail Kadare feston ditën e sotme përvjetorin e 85-të.

Në nderim të ditës së tij të lindjes është mbajtur veprimtaria shkencore me temën “Ismail Kadare, shkrimtar shqiptar në letërsinë botërore”.

Teksa gjatë fjalës që është mbajtur është rikonfirmuar edhe njëherë kandidatura e Kadaresë pёr çmimin “NOBEL” nё letёrsi, nga nënkryetar i Akademisë së Shkencave, akademiku Vasil Tole.

“U bënë disa vite rresht që Akademia e Shkencave e Shqipërisë propozon e ripropozon kandidaturën e shkrimtarit, akademikut Ismail Kadare pranë jurisë së çmimeve NOBEL në letërsi, e cila funksionon pranë akademisë simotër të Suedisë.”, tha akad. Vasil Tole, duke shtuar se vepra e Kadaresё, nga viti nё vit, shtrin gjeografinё e territorit nё tё cilin ajo shkel pёr herё tё parё nё tё gjithё botёn, njёherazi edhe gjuhёt e leximit tё saj shtohen progresivisht.

Ndërkaq, në ceremoni është paraqitur edhe ekspozita e fotografit të njohur Roland Tasho, e cila solli për të pramishmit çaste të bukura nga jeta e shkrimtarit, si vizita në vendlindje, dhe çaste kulmore të jetës dhe karrierës së tij në Shqipëri e botë./Opinion.al

Pas