Personat me aftësi të kufizuar nuk do të paguhen më në bazë të diagnozës, por të dëmeve që sëmundja ju ka shkaktuar. Kjo skemë kalon nga modeli mjekësor në modelin bio-psikosocial, dhe pjesë e vleresimit do të jenë edhe punonjësit social. Ndërkaq mësohet se skema e re ka nisur të pilotohet në disa zona në kryeqytet.
“Janë rishikuar kriteret e vlerësimit që janë veç për fëmijët veç për të rriturit, jo më komisione mjekësore, por do jetë një administratë ku nuk është vetëm mjeku por edhe punonjësi social që vlerëson rast pas rasti personin me aftësi të kufizuar. Në qoftë se sot marrin të gjithë personat njësoj pavarësisht nivelit të dëmtimit të funksioneve të personit, kjo do të ketë një përshkallëzim, që do të thotë personat që janë në gjendje të thelluar do marrin më shumë nga çfarë marrin”, thotë Bardhylyka Kospiri.
Krahas pagesës së diferencuar, synohet edhe punësimi i personave me aftësi të kufizuar në rastet kur është e mundur, si dhe orientimi i të rinjve drejt arsimit profesional. Ministria e Shëndetësisë dhe Mbrojtjes Sociale ka gati regjistrin e dixhitalizuar ku do të hidhen të dhëna e detajuara për çdo person.
Aktualisht janë 173 mijë persona së bashku me kujdestarët që përfitojnë pagesë për aftësinë e kufizuar./Opinion.al
