Më 15 mars në Nion të Zvicrës do të hidhet shorti i Champions League jo vetëm për ndeshjet çerekfinale, por edhe për gjysmëfinalet. Ndryshe nga sa jemi mësuar, që shorti është hedhur pas çdo faze, këtë vit organizatorët e Chamions League kanë zgjedhur të ndjekin një skemë si ajo e Kampionatit Europian apo Botëror me një short të paracaktuar, ku çiftet që ndeshen në çerekfinale i njohin kundërshtarët e mundshëm të gjysmëfinaleve.
Deri më tani, skuadrat që kanë kaluar në gjysmëfinale janë Ajax, Manchester United, Porto dhe Tottenham, ndërsa në ndeshjet e mesjavës do të përcaktohen edhe katër ekipet e tjera në ndeshjet Juventus-Atletico, Manchester City-Schalke, Barcelona-Lyon dhe Bayern-Liverpool.
Ndeshjet çerekfinale do të luhen në datat 9-10 prill dhe 16-17 prill, gjysmëfinalet më 30 prill dhe 1 maj dhe ndeshjet e kthimit më 7 dhe 8 maj, ndërsa ndeshja finale më 1 qershor në Madrid./Opinion.al
