U miratua në vitin 2011, por qeveria aktuale ka vendosur ta rikonceptojë projektin e aksit rrugor Qukës – Qafë Plloçë, me gjatësi 43.4 kilometra. Projektuesit thonë se ka pasur shumë defekte, që kanë të bëjnë me sigurinë rrugore.
Loti i parë, që është pjesë e korridorit Tiranë – Korçë, me të njëjtën vlerë investimi, prej 152 milionë dollarëve, ka nisur. Punimet u panë nga afër edhe nga Kryeministri Rama, i cili thotë se projekti i ri mundëson akses për të gjithë banorët e zonave ky shtrihet rruga.
Kryeministri ka inspektuar dhe një tjetër investim në rajonin e Korçës, atë për landfillin e Mailiqit, që do të nisë nga funksionimi vitin e ardhshëm dhe ku do të grumbullohen mbetje urbane nga 6 bashki.
Në Pogradec, Devoll dhe Kolonjë do të funksionojnë tre stacione transferimi, nga ku do të mundësohet transporti i mbetjeve në landfillin e Maliqit.
Tv Klan
