Ai është një nga kandidatët që ndryshoi mendje, pasi kishte firmosur lënien e mandatit në bllok, ndërsa këtë të mërkurë u betua si deputet i dalë nga lista e PD-së. Madje në protestën e 5 Marsit, Alban Zeneli ka marrë fjalën duke deklaruar se djeg publikisht mandatin.
I pyetur nga gazetarët, pse ndryshoi mendje, pasi doli nga salla e Kuvendit, Zeneli u përgjigj:
“Më 5 mars kam thënë që qeveria Rama duhet të ikë një orë e më përpara. Nuk i heq asnjë presje atij mendimi. Kam thënë që mandati nuk është i imi dhe as i zotit Noka, por i qytetarëve. Prap nuk kam ndryshuar mendim. Mandati është i qytetarëve që më kanë votuar edhe mua dhe zotin Noka. I vetmi ndryshim është se unë mendoj se: Interesat e qytetarëve që na kanë votuar, unë si Alban mund t’i mbroj më mirë brenda Parlamentit shqiptar me statusin e Parlamentit, sesa në rrugë. Jetojmë në një sistem tjetër, ku shqyqyr Zotit duhet të kemi mendim ndryshe. E para ne jemi njerëz, shyqyr që jemi njerëz dhe ndryshojmë. Jam konsultuar me miqtë e mi dhe votuesit e mi. Gjicin nuk e kam konstatuar në asnjë rast”./Opinion.al
