Partia Demokratike po përgatit një rezolutë në mbështetje të qëndrimit të forcave politike në Kosovë për mosndryshimin e kufijve.
Mësohet se rezoluta e PD-së, mbështet fuqimisht ruajtjen e formës unitare të qeverisjes në Republikën e Kosovës.
Gjithashtu, rezoluta mbështet edhe reformat që sigurojnë anëtarësimin e Kosovës në NATO dhe Bashkimin Europian.
Kryeministri i Kosovës, Ramush Haradinaj ka thirrur sot Kuvendin e Kosovës në një seancë të jashtëzakonshme, për të diskutuar mbi ekipin negociator të bisedimeve me Serbinë.
Jehona e debatit ka dalë jashtë kufijve të rajonit, duke nxitur reagime qoftë nga vendet e BE-së, ashtu edhe nga Shtetet e Bashkuara të Amerikës, që kanë qenë kundër ndryshimit të kufijve mes dy vendeve, qoftë kjo edhe me marrëveshje.
