Janë të njohura tashmë simptomat që shfaqen te femrat para dhe gjatë cilkit menstrual. Dhimbje barku, aknet dhe luhatjet e humorit janë ato më të identifikueshmet, por jo të vetmet. Nëse mendonit që dhimbja e barkut është arsyeja e vetme pse femrat “qahen” kaq shumë gjatë ciklit, gaboheni. Në fakt janë një sërë simptomash dhe ndryshimesh të tjera që shumë nuk i njohin, as femrat vetë!
Ndryshon zëri
Zëri i grave që nuk përdorin kontraceptiv hormonal gjatë menstruacioneve ndryshon pak, duke u ulur me një ton.
Dhimbje dhëmbësh
Ndryshimet hormonale mund të shkaktojnë ndjeshmëri dentare, gingivitis dhe dhimbje në bashkimin temporomandibular.
Rezistenca e ulët ndaj dhimbjes
Dhimbjet dhe migrenat janë shpesh të patolerueshme gjatë ciklit. Sipas ekspertëve, hormonet na bëjnë më të ndjeshëm ndaj dhimbjes.
Probleme me jashtqitjen
Është shumë e zakonshme të vuash nga kapsllëku në ditët para menstruacioneve, e të zëvendësohet me diarre sapo të fillojë cikli. Nuk ka nevojë të shqetësoheni, është normale! Kjo ndodh sepse trupi prodhon disa kimikate të nevojshme për kontraktimin e mitrës dhe dëbimin e endometrit, por ato gjithashtu kanë efekte të ngjashme në zorrë.
Debulesa
Lodhja dhe mbajtja e ujit ndikojnë në tru dhe ekuilibrim, duke shkaktuar një rritje të aksidenteve të vogla. Nëse ndiheni i ngathët në ditët e menstruacioneve, nuk jeni vetëm!
Gjumi është i keq
Në fillim të ciklit është normale të mos jeni në gjendje të flini ose të bëni gjumë të shqetësuar nga zgjimet e vazhdueshme. Sipas disa studimeve të Fondacionit Kombëtar të Gjumit, 23% e grave vuajnë nga çrregullime të gjumit, ndërsa 30% nuk mund të flejnë.
