TIRANË- Kryeministri Edi Rama është takuar sot me Kryetarin e Kuvendit, Ilir Meta në vilën qeveritare përballë Kryesisë së Kuvendit. Ata shoqëroheshin edhe nga Gramoz Ruçi, Petrit Vasili. Në përfundim, Meta i është përgjigjur interesit në medias duke i qendruar deklaratës së mëparshme për ndryshime në Qeveri. “Impulset e reja duhen gjithmonë”, tha ai.
Referuar procesit të dekriminalizmit, kreu i LSI-së e ka quajtur pozitive shprehjen e Komisionit të Venecias, në mënyrë që të vazhdojë sa më shpejt . Ndërsa lidhur me kërkesën e demokratit Oerd Bylykbashi, Meta tha se ka qënë vetë PD që ka anashkaluar komisionin për dekriminalizimin.
