Komisioni i Ligjeve diskutoi në një mbledhje online ndryshimet në Kodin Penal të propozuara nga qeveria. Ndër të tjera këto ndryshme parashikojnë dënimin deri në 15 vite burg për këdo që thyen karantinën dhe shkakton infektimin e një personi tjetër.
Ish-ministri i Brendshëm, Fatmir Xhafaj shprehu rezervat e tij. Ai kërkoi më shumë kujdes dhe konsultim më të gjerë me ekspertët.
“Ndërhyjet në kode janë ngjarje më rëndësi në një shtet të së drejtës. Duhet të jemi të kujdesshëm për këto nisma, nga kushdo që të vijnë, nga qeveria apo nga deputetët, sepse herë pas herë pasojat në jetët e njerëzve janë jetike. S’duhet të jenë rrjedhe e emocioneve të politikës së ditës. Duhet një konsultim i gjerë publik me ekspertët”, tha Xhafaj.
“Sa u takon masave për sëmundjet efektive, duhet t’i reflektojmë edhe pse mund të çedojmë pak. Qëllimi i koleges Bode në këtë rast janë të justifikuara. Janë qëllim-mira si ligjvënëse e mjeke. Ajo është ligjvënëse por nuk është një ekperte. Kuvendi ta ndihmonte zonjën me ekspertizën e nevojshme. Ka pasur prezantim të keq në publik që prodhoi tension të panevojshëm”, shtoi deputeti i PS.
Ndërkohë, lidhur me nismën “KÇK”, Xhafaj tha se u bë mirë që u shtynë pasi, sipas tij propozimet e qeverisë janë të panevojshme dhe të keqshkruara
“Propozimet e sjella nga qeveria janë të panevojshme dhe të keqshkruara. Ato duhet të rregullohen dhe bëmë mirë që i shtymë”, tha Xhafaj. / Opinion.al
