Në përfundim të seancës së sotme parlamentare kryeministri Rama tha se me votimin e ndryshimeve në Kodin Penal është mbushur një boshllëk pasi aty nuk parashikohej asnjë masë për situatë epidemie.
Rama tha se produkti final që u votua në Kuvend është rezultat jo vetëm i propozimeve të Kuvendit por edhe të Presidentit.
”Kemi diskutuar edhe me Presidentin, jemi harmonizuar përmes ekspertëve të parlamentit dhe të zyrës juridike të presidentit, me grupet parlamentare, dhe është arritur një përfundim, që adreson dhe shqetësimet e shprehura nga faktorë tjerër por edhe neovjat legjitime”, tha ai.
I pyetur në lidhje me mbledhjen e djeshme në Këshillin e Sigurisë Kombëtare Rama tha se ajo ishte në funksion të debateve mes palëve. Ai nënvizoi faktin se me rëndësi është cilësia e shkëmbimit të mendimeve dhe jo fakti që palët kanë mendime të ndryshme.
“Po mos kishte debate atëhere përse do mblidheshim. Shkëmbyem opinione që nuk janë të gjitha të njëjta. Por nuk ka rëndësi kjo ka rëndësi cilësia e debatit. Bën diferencën dhe nëse toni apo shkëmbimi i mendimeve të kundërta dhe pozicionimi i kundërt në politikë do të ishte si në Këshillin e Sigurisë do të ishte shumë më e besueshme dhe shumë më e mirë.”, tha Rama. /Opinion.al
