Aktualitet

Ndryshimet në kabinet, Rama përsërit historinë e dy viteve më parë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:08 - 29/12/20 |
Opi Nion

Përmes një publikimi në rrjetin social Tuiter, Kryeministri Rama njoftoi largimin nga kabineti të ministrit në detyrë për Evropën dhe Punët e Jashtme Gent Cakaj dhe zëvendësimin e tij nga Olta Xhaçka.

Njëkohësisht, Rama njoftoi rikthimin në kabinet të Niko Peleshit, në pozicionin e Ministrit të Mbrojtjes, vend i mbetur bosh me largimin e Xhaçkës.

Më 29 Dhjetor, në ditët e fundit të vitit, në një kohë kur nuk pritej dhe në fakt as nuk përflitej, duket se Rama përsëriti në kabinet një histori të ngjashme me dy vite më parë.

Pikërisht më 28 Dhjetor të vitit 2018, Rama njoftoi zëvendësimin e 7 ministrave të kabintetit qeveritar dhe zëvendëskryeministres, vetëm pak kohë pasi vendi ishte vendosur nën presionin e protestave të studentëve.

“Ju ftoj që edhe ndryshimin e qeverisë ta shikoni si pjesë e reflektimit dhe kapërcimit të domosdoshëm për ta kthyer këtë mandat në mandatin e rezultateve që do e çojnë në fitoren e mandatit të tretë. Studentët na kanë treguar si do të jetë rruga për të fituar mandatin e tretë. Nuk diskutohet ministrat që do të largohen sot kanë një rol tejet pozitiv. Gjithë ata që kanë 5 vite në kabinet do i lënë vendin të tjerëve. Do bëj falenderim të posaçëm duke u thënë që për rezultatet e secilit do të mbaja një fjalë më vete”, u shpreh atëherë Kryeministri.

Pikërisht me këto ndryshime, dy vjet më parë pjesë e kabintetit u bë edhe Gent Cakaj, i cili njoftoi sot dorëheqjen, duke sjellë sërish ndryshime në qeverinë Rama.

“Dëshiroj të ju njoftoj që sot, e martë, 29 dhjetor 2020, i kam paraqitur Kryeministrit të Republikës së Shqipërisë, z. Edi Rama, dorëheqjen e parevokueshme dhe me efekt të menjëhershëm si Ministër në detyrë për Evropën dhe Punët e Jashtme të Republikës së Shqipërisë. Pas përfundimit me shumë sukses të kryesisë së OSBE-së, hapjes së negociatave për anëtarësim me BE-në, punës së jashtëzakonshme për të siguruar një ulëse në Këshillin e Sigurimit për 2022-2023, zbatimit të një sërë masash të pashembullta për ngritjen e faktorit shqiptar në Ballkanin Perëndimor, si dhe duke qenë se Shqipëria është në pragfushatë zgjedhore, ku unë nuk synoj të angazhohem si kandidat për deputet, konsideroj që kapitulli i shërbimit tim në krye të diplomacisë shqiptare është i përfunduar” shprehej Cakaj duke argumentuar dorëheqjen e tij./Opinion.al

Pas