Patrick Voller, Sekretari per Marrëdhëniet me Jashtë në Partinë Popullore Europiane, ka reaguar mbi ndryshimet kushtetutese të njëanshme të miratuara dje nga Parlamenti.
Në një mesazh në twitter, Voller shkruan:
“Shumë i trishtuar që ndryshimet e fundit kushtetuese të votuara nuk u kryen në një mënyrë gjithëpërfshirëse. Nevojitet të rregullohet në kodifikim”.
Ky reagim vjen në kuadrin e reagimeve ndërkombëtare, të cilët kanë kërkuar që ndryshimet kushtetuese të bëhen me gjithëpërfshirje. Apeli i tyre është që reflektimi i këtij ndryshimi në Kodin Zgjedhor të bëhet me konsensus dhe palët të vijojnë punën në Këshillin Politik./Opinion.al
