Politikë

Ndryshimet e Kodit Penal,detyrim të konfiskohet pasuria e lidhur me krimin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:55 - 02/10/20 |
el ida

Ministria e Drejtësisë hedh në diskutim një projekt të ndryshimit rrënjësor të Kodit Penal. Ndryshimet janë përgatitur nga një grup ekspertësh të kryesuar nga Arben Rakipi dhe synon reflektimin e  vendimeve të Kushtetueses dhe qendrueshmëri në kohë.

Një nga ndryshimet që është bërë në Kodin Penal, lidhet me konfiskimin e pasurisë, i cili duhet të bëhet i detyrueshëm për bizneset që lidhen me krimin, dhe mos tu lihet në dorë gjykatave.

Një tjetër çështje që u evidentua është roli i viktimës në një proces penal. Sipas Rakipit, mbështetur edhe nga ligjet ndërkombëtare, viktima duhet të luajë një rol më aktiv, ku duhet të përballet me akuzuesin, pasi kështu është më e lehtë të arrihet tek drejtësia.

“Kemi muaj që po punojmë, kjo çështje ka filluar me trajtimin e defekteve të hasura gjatë praktikës gjyqësore dhe asaj legjislative. Në ministrinë e Drejtësisë prej kohësh, kemi gjetur një analizë të gatshme të defektit të Kodit dhe shtyllat kryesore ku duhet ndërhyrë. Janë përfshirë si detyrim thelbësor parashikimi i normave dhe dispozitave që rrjedhin nga konventat ndërkombëtare, janë dënimet detyruese të gjykatës Europiane, apo të Gjykatës së Lartë dhe Kushtetuese, që kanë ndërhyrë për të modifikuar apo trajtuar norma të caktuara me Kushtetutën e vendit. Këto përbëjnë shtyllat detyruese të ndërhyrjeve.

Kemi një dualitet kriminalizimi dhe dekriminalizimi nga veprimet që bazën e tyre e kanë të marrëdhëniet shoqërore, kjo do të përbënte të renë kryesore në iniciativën tonë. Një çështje tjetër që mund t’ju paraqisja si një risi, është qëndrimi ynë në raport me viktimën. Viktima të luajë një rol më aktiv lidhur me përmbajtjen e procesit, rritja e rolit të viktimës në procesin Penal, është thelbësore se lidhet me interesin parësor për shkak të dëmeve që ka pësuar dhe vendosja e viktimës përkrah akuzës është ideale për të arritur drejt të drejtës. Është e nevojshme për t’u bërë edhe nga ne. Një çështje tjetër që mund të përmend është trajtimi i personit Juridik. Një e re tjetër është trajtimi penal i personit juridik, apo mënyra e zbatimit të dënimeve plotësuese. Nisur nga rastet kur kriminaliteti goditet në qendër të tij, ne kemi bërë të detyrueshme, dënimet plotësuese që lidhen me konfiskimin apo mbylljen e biznesit e vënë aktivitetit në shërbim të krimit. Kemi menduar që konfisikimi të jetë i detyrueshëm, jo për t’ia lënë në dorë opurtinitetit të gjykatave. “, tha Rakipi.

Ministrja tha se ndryshimet në Kodin Penal do të kalojnë në Kuvend brenda vitit.

“Objektivi ynë është miratimi i një Kodi modern, me praktika gjyqësore si dhe akteve ndërkombëtare që vendi ynë është pjesë. Ky Kod do jetë një nga projektet më të diskutuara për shkak të rëndësisë së mbart. Brenda këtij viti do të shkojë në Kuvend. Reformimi i Kodit Penal, po punohet prej një viti. Në tetor-nëntor do të ketë konsultim të gjerë për ndryshimet”, tha Gjonaj./Opinion.al

Pas