Të paktën kështu paralajmeron portali “Syri.net”. I pari në fakt që publikoi dhe dorëheqjen e Nasip Naços nga posti i ministrit të drejtësisë.
Burime të sigurta për Syri.net bëjnë me dije se, Kryetari i LSI-së Meta do të kërkojë zyrtarisht kryeministrit Edi Rama, zëvendësimin e Ministrit te Transporteve Edomond Haxhinasto, me deputetin e LSI-së për Qarkun e Dibrës, Përparim Spahiu.
Përparim Spahiu njihet edhe si një nga njerëzit më të besuar të Ilir Metës, ndërsa të dy kanë qenë bashkë edhe shokë universiteti kur ndiqnin studimet në Fakultetin Ekonomik.
Burime për Syri.net bëjnë me dije se kjo është një nga lëvizjet më të afërta politike të Ilri Metës që në vetëvete e ka një qëllim. Sipas burimeve brenda LSI-së, Meta është i pakënaqur me “besnikërinë” e Haxhinastos dhe madje e konsideron atë si një figurë brenda të tijëve që flirton me kryeministrin Edi Rama.
Pak a shumë i njëjti dyshim i Metës që i kushtoi postin e Ministrit të Drejtësisë, Nasip Naços.
