Ndryshime në qeveri, Rama emëron zëvendësministren e re

Kryeministri Edi Rama ka vëndosur të bëjë ndryshime në qeveri në radhët e zëvendësministrave.

Enkelejda Muçaj është emëruar zëvendësministre e Infrastrukturës dhe Energjisë. Emërimi i saj  bërë ditën e sotme në mbledhjen e sotme të Këshillit të Ministrave nga kreu i qeverisë Edi Rama.

Vendimi është publikuar në faqen online të Kryeministrisë.

V E N D I M

PËR

EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Enkelejda Muçaj emërohet zëvendësministër i Infrastrukturës dhe Energjisë.