Kreu i Partisë Demokratike, Sali Berisha ka komentuar rinumërimin e votave të zgjedhjeve të 11 majit.
Në një konferencë me gazetarët, Berisha theksoi se çdo kush që ka bërë kërkesë në PD për rinumërim të kutive i është pranuar.
I pyetur nga gazetarët nëse pret ndryshim të rezultatit pas rinumërimi i kutive, Berisha tha se ky proces ka të bëjë vetëm me transparencën dhe asgjë tjetër.
“Të jem i sinqertë, ky proces ka të bëjë vetëm më atë që quhet transparenë, asnjë shtytje tjetër nuk ekziston. Çdo njeri që ka kërkuar për të numëruar këtu në parti i është pranuar kërkesa, madje i është kërkuar që të kërkoj rinumërim votash.
Çdo njeri që ka pasur dyshim, i është kërkuar që të kërkoj rinumërim të votave. Kush ka dyshime, le të kërkoj rinumërim, transparenca është detyrim ndaj gjithsecilit, dhe është mënyra më e mirë për t’ju përgjigjur çdo lloj dyshimi. Ata kanë të drejtë, ta kërkojnë”, tha Berisha.
