Ligji për teatrin ka vënë së fundi në qendër të vëmendjes sërish aktorin Robert Ndrenika, emri i të cilit u listua mes atyre që firmosën peticionin për të pranuar ndërtimin e një teatrit të ri.
Në media është diskutuar shpesh ky qëndrim i Ndrenikës, i cili në fakt që në nisje qe ndër kundershtarët e flaktë të rezistencës për të mos shembur godinën ekzistuese të Teatrit Kombëtar.
Ndërkohë opozita vazhdimisht e ka cilësuar si një aferë mafioze ndërtimin e teatrit të ri, që synon në fakt ngritjen e kullave me qëllime biznesi në tokën e teatrit.
Basha tha se nëse këto kulla do të ngrihen atyre do t’u vendosen mina.
Në këtë kontekst, kur ligji mori edhe refuzimin e dekretimit nga Presidenti i vendit, Ndrenika ka vendosur të reagojë përmes një postimi në FB, duke iu drejtuar Bashës:
Postimi i plotë
I dashur Zoti Lulzim Basha! Te falenderoj shume qe me hape syte dhe me rrite vigjilencen ne lidhje me bisedimet qe kam bere me Kryetarin e Bashkise per ndertimin e Teatrit te Ri Kombetar. Sic te kam bere me dije kam shkelur mbi vehten time dhe kam rene dakord qe Teatri te ndertohet me PPP (ndonse dhe sot jam i bindur se Teatrin e ka per detyre ta ndertoje SHTETI SHQIPTAR) E kam bere kete dakordesi me kushtin qe te mos jepet asnnje centimeter katror per ndertim KULLASH dhe per kete kam marre BESEN e SHQIPTARIT. Ne rast se shkelet kjo BESE(qe nuk eshte e mundur) shpreh gatishmerine per te marre pjese ne aksionin e vendosjes te minave per te rrezuar KULLAT. Per ta vertetuar qe neser jam i gatshem te minojme kullen qe ka ngritur PPP ja te stadiumi Qemal Stafa. Sa per Piramiden ka me teper se 10 vjet qe shoku Fatos Nano (ish Kryeminister) na e ka rekomanduar per Teater por ajo nuk i ploteson kushtet. Personalisht (pak a shume) i kam kryer detyrat por me vjen keq per te rinjte qe bien viktima te sherreve politike dhe qe ka shume gjasa ta ngrysin jeten artistike (ndoshta per 70 vjet te tjera) tek i ashtuquajturi “teater Turbina”
