Deputetja e PD dhe kryetarja e Komisionit të Shëndetësisë Albana Vokshi, tha sot në një deklaratë për media tha se gjetjet e KLSH-së për Chek Up janë tronditëse.
Gjatë fjalës së saj, ajo theksoi se Plarent Ndreca, nënkryetari i Komisionit Hetimor është duke përdorur Komisionin për Koncesionet në Shëndetësi për hakmarrje personale, pasi KLSH e ka paditur më herët.
Sipas Vokshit, Ndreca po mbrohet nga Nikolla dhe Rama.
“Ndreca e ka pyetur audituesin për gjëra personale dhe të tjera që nuk kishin lidhje me dy koncensionet në shëndetësi. I jemi referuar raportit të KLSH dhe thotë se janë gjetur shkelje të panumërta në Ministrinë e Arsimit, kur ishte ministre Lindita Nikolla dhe sekretar Plarent Ndreca.
KLSH ka rekomanduar për Ndrecën në lidhje me abuzimet që ka bërë kur ishte sekretar për disa tendera dhe kërkohet largimi nga shërbimi civil dhe pas këtij raporti KLSH e ka kallëzuar duke evidentuar faktin që është edhe në raport dhe thuhet se ai ka bërë presion ndaj audituesve të KLSH dhe i ka kërcënuar edhe në 2015 dhe këtë e thotë KLSH në kallëzim.
Ndreca po përdor komisionin hetimor për hakmarrje personale. Ai nuk duhet që të ishte pjesë e shërbimit civil. Mirë që nuk iku nga shërbimi civil, por Rama e solli në Parlament, ndaj e mbron Nikolla dhe Rama, Plarent Ndrecën”, tha ajo.
