Vijojnë hetimet intensive sa i përket dosjes “Ndrangheta” të mbërritur një javë më parë në institucionin e akuzës.
Sipa informacioneve, SPAK ka kërkuar listën e tenderave që janë dhënë nga viti 2013 e deri më sot nga Agjencia e Prokurimit Publik . Mësohet gjithashtu se hetuesit kanë kërkuar informacion mbi tenderat që përmenden në përgjimet e anti mafias italiane, transmeton Klan News.
SPAK ka marrë gjithshtu edhe listën e përkthyesve të Ministrisë së Drejtësisë për të përkthyer në mënyrë zyrtare dosjen e “Ndrangheta”.
Kujtojmë që vetëm 4 ditë më parë SPAK bëri të ditur e kishte nisur zyrtarisht hetimet për dosjen e “Ndrangheta” ku edhe përmendej edhe Shqipëria.
Ndërkohë bëhet me dije se janë regjistruar procedime penale, për veprat “Korrupsioni pasiv i personave që ushtrojnë funksione publike”, “Grupi i strukturuar kriminal”, “Pastrimi i produkteve të veprës penale ose veprimtarisë kriminale” të kryera në kuadër të grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”. /Opinion.al
